بكائيات عبد السلام: "المرحومة" أمر واقع!

 ـــ "المرحومة" أمر واقع ـــ

* للأسف مش كابوس.. ده حقيقة وأمر واقع! لسه السكينة واخداني ومش مصدق اللي حصل! دانا في جميع تحركاتي وسكناتي متهيألي إنها معايا وموجودة ع الكرسي وشايفة كل اللي بعمله! ممكن تكون روحها هي اللي موجودة! الله أعلم روحها فين دلوقت! هو بيقول لرسوله الكريم: {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً}

* الاثنين 11 مارس: ربنا يجعل مثواكي الجنة ياوداد لم أتمالك نفسي صباح اليوم بعدما توضأت لأداء صلاة الضحي ، في أول يوم صيام أعيشه من غيرها ، فاستندت ألي ظهر الفوتيه اللي قصاد كرسيها ، وأجهشت ببكاء حار جعل الدموع تتدفق من عينيا زى الأمطار! مافيش حاجة لها طعم خالص بدونها! لا صيام ولا سحور ولا إفطار ولا تراويح ولا راديو ولا تلفزيون! عمال بجمع أدواتها الشخصية ، وكل مالاقي حاجة أفتكرها! أنا كنت لما أخلص تناول أى وجبة أقول: اللهم اجعلها نعمة واحفظها من الزوال ، وفي قرارة نفسي "وخصوصا وداد اللي هي أكبر هذه النعم" الآن اتحرمت من وداد ، لا أشوفها ولا أسمعها ولا أصبح وأمسي عليها ولا أشكو لها وجيعتي ولا أستطيع إرضاءها أو نيل استحسانها في أى حاجة أعملها في البيت... حتي لما بترحم عليها بحزن أكتر لأنه اعتراف بالأمر الواقع! مدام وداد وماما وداد وتيتة وداد وتانت وداد والحاجة وداد ، أصبحت "المرحومة وداد"!!!!!!

* موقف غريب جدا جدا: إسلام استأذن مني ونزل للسفر فعيني غفلت وأنا قدام التليفزيون ع الفوتيه المواجه للشاشة والتاسعة مساء شغال صحيت فجأة أدور علي إسلام فتذكرت إنه مشي.. فالتفت إلي الكرسي بتاع ماما ولم أجدها قلت راحت فين؟ كانت في وقت من الأوقات بتدخل أوضة البلكونة بصيت ع الأوضة لقيتها ضلمة قلت أيه ده؟ أنا لوحدى علي كده؟ مابقتش مصدق! فين وفين لما انتبهت وتذكرت إني خلاص بقيت وحبقي لوحدى إلي أن يقضي الله أمرا كان مفعولا! ولله الأمر من قبل ومن بعد!

* وأنا بجمع أدواتها الشخصية ، اكتشفت إن كل حاجة كنت بعملها في الشقة كانت هي المحفز لها وكانت هي المقصودة ، إما لإرضائها أو من أجل راحتها ، أو لإثارة إعجابها ، وإما لتجنب انتقاد أحد لها ولنا.. ويبقي باختصار أتعب نفسي دلوقتي ليه؟!

* تعرفوا إنها توفيت في يوم المرأة العالمي؟

* الثلاثاء 12 مارس: قمت م النوم أدور عليها وبعدبن تذكرت إننا دخلناها المستشفي بس مستشفي إيه ؟ مش فاكر خالص وأنا رايح أفتح الموبايل وأسأل داليا تذكرت إنها توفيت 😂😂😂😂😂ربنا يرحمك ياحبيبتي ويحسن إليكي ويجعل مثواكي الجنة

* الساعة بقت واحدة وشوية داخل أنام عسي الله أن يلحقني بها الليلة ، لأن حياتي بدون وجودها أمامي وورائي وبجانبي ومن حولي باتت مستحيلة!

* اتبهدلت ياعيني خلال المرحلة الأخيرة من ساعة ماكتبلها الناقورى حقن البنسلين اللي تاخدها في العضل كل أسبوعين ، وهي بتتحمل آلام نفسية فظيعة وهي مضطرة لكشف هدومها للولد النحس اللي اسمه أحمد ، واللي من يوم ماعرفناه وكأننا عملنا معاه أبونيه علشان يضرب الحقنة في فخدها ، وكنا بنتحايل لإخفاء مايمكن إخفاؤه بمساعدة داليا أو رنا ، لكن أنا عارف مقدار العذاب النفسي اللي كانت بتتحمله كل مرة ، وياما تهربت من الحقنة في مواعيدها حتي رجع الالتهاب الخلوى وحذرها الناقورى من إيقاف العلاج وفهمها إنه علاج دائم طول العمر! أما الانتهاكات اللي حصلت لها خلال المدة بتاعة العناية ، فهذه لا يمكن وصفها ووصلت إلي إن الممرض غير لها القسطرة بيده لعدم توفر ممرضات للحالة!

* لم أتوقف عن البكاء منذ وضعتها أمامي😂😂😂😂😂 ، وقد رحلت في صمت ولم نستطع تودعيها ولا سماع توصيتها، وكانت التداعيات تتلاحق عليها دون مقدمات ودون أن نستطيع إيقافها حتي فاضت روحها إلي بارئها ،وكانت ملء السمع والبصر قبل وقوعها في أيدى هؤلاء الدجالين المتاجرين بالأرواح😈😈😈!

*  نا لا أكف عن الدعاء لها طوال اليوم ، وبكل قلبي وكل جوارحي ، والدموع تترقرق من عينيا سوا أنا بكيت أو هي من نفسها قايمة بالواجب! مش قادر أقتنع بأن وداد أصبحت مش موجودة! كده؟ وبالسرعة دى؟ لا حول ولا قوة إلا بالله! خلاص بالنسبة لي مافيش حاجة حلوة! ولا ليا نفس أعمل أى حاجة! الحاجة الوحيدة اللي شاغل نفسي بيها لدرجة الإرهاق ، هي إني بجمع لها كل حاجة تتعلق بيها خلال السنتين اللي فاتوا واللي انتهوا بوفاتها ياعيني!

ــ الأربعاء 13 مارس ــ

* مش عارف أنام كل ماخرج م الأوضة ألقاها هي قدامي مش صورتها

* تعرفوا أنا شاغل نفسي بإيه حاليا؟ بكمل التدوينة اللي كنت عاملها عنها من سنين وحطيت في آخرها ملاحق تتعلق بكل اللي شافته في السنتين الأخيرتين حتي أصبحت في ذمة الله:

 https://humantypics.blogspot.com/2009/07/blog-p

ــ الدعاء لها ولكافة موتانا ــ

اللهم آنس وحشتها و ارحم غربتها و قها عذاب القبر و عذاب النار. اللهم نقها من خطاياها كما ينقى الثوب الأبيض من الدنس. اللهم فسح لها في قبرها و اجعله روضة من رياض الجنة و لا تجعله حفرة من حفر النار. اللهم انقلها من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء. اللهم اجعل لها من فوقها و من تحتها و من أمامها و من خلفها و عن يمينها و عن يسارها نورا من نورك يا نور السماوات و الأرض اللهم أبدلها دارا خيرا من دارها و أهلا خيرا من أهلها واسكنها فسيح جناتك في الدرجات العلي آمين. اللهم إن كانت قد أحسنت فزد في إحسانها و إن كانت قد أساءت فتجاوز عن إساءتها. اللهم كن لها بعد الحبيب حبيبا و لدعاء من دعا لها سامعا و مجيبا و اجعل لها من فضلك و رحمتك و جنتك حظا و نصيبا اللهم من أحييته منا فأحييه على الإيمان و من توفيته منا فتوفه على الإسلام. اللهم إنا نسألك توبة قبل الموت و راحة عند الموت و مغفرة بعد الموت. اللهم هب لنا نفوسا مطمئنة تؤمن بلقائك و ترضى بقضائك تقنع بعطائك. اللهم أغفر لحيينا و ميتنا و شاهدنا و غائبنا و صغيرينا و كبيرنا و جميع موتى المسلمين و المسلمات الذين شهدوا لك بالوحدانية و لنبيك بالرسالة و ماتوا على ذلك اللهم اجعل خير أعمالنا خواتيمها و اجعل خير أيامنا يوم لقائك. سبحان ربك رب العزة عما يصفون و سلام على المرسلين و الحمد لله رب العالمين.

* وكأنها تتابعني أينما ذهبت

* اللهم بحق هذه الأيام المفترجة وكان زمانها صايمة عمرها مافطرت ولا أخرجت كفارة صيام لحرصها علي صيام الشهر كله بالإضافة إلي الست أيام البيض أن تعوض صبرها خيرا وأن تجعل مثواها الجنة وأن تلهمنا الصبر والسلوان علي فراقها بعد عشرة العمر الطويلة هذه واللي كانت حلما جميلا فإذا بي أستيقظ علي هذا الكابوس الثقيل!

* معقول الست الجميلة دى أصبحت في خبر كان! يعني مش حنشوفها بعد كده! من شهر ونص كانت مالية علينا الدنيا!

* والله الموقف ده حصل حالا أنا خلصت كوباية الشاى بقطعة كنافة عملتها داليا عيني غفلت ببص عليها ع الفوتيه اللي جنبي مالقيتهاش بس لقيت صورتها فوق الكرسي بتاعها! معني كده إني مش مقتنع إنها اتوفت ربنا يرحمها ويحسن إلبها ويجعل مثواها الجنة الاستدراك اللي نشرته جعل الناس تترحم عليها للمرة التالتة المرة الأولي علي النعي والثانية علي الشكر ربنا يجعلها من نصيبها حاولت النهارده أجمع صفاتها الحميدة ومواقفها الجميلة معايا كتبت كتير ولسه مافيش حاجة وحشة خالص توقفت عندها لا طباع ولا تصرفات

* كان خلقها القرآن واقرأوا الآيات التالية من سورة الحجرات وستجدون أن طباعها تتفق علي ماجاء في الآيات المشار إليها: {يَا أَيُّهَا الَّذِينَ آمَنُوا لا يَسْخَرْ قَوْمٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُولَئِكَ هُمُ الظَّالِمُونَ * يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَب

* أنا عشت 3 عصور 1.عصر ماقبل وداد 2. عصر وداد 3. عصر مابعد وداد العصر الأول ويتسم بالحيرة والقلق والبحث عن مكان تحت الشمس العصر التاني ويتسم بالاستقرار الاجتماعي والنفسي والاقتصادي العصر التالت ويتسم بالضياع

*  للأسف مش كابوس.. ده حقيقة وأمر واقع! لسه السكينة سارقاني ومش مصدق اللي حصل! دانا في جميع تحركاتي وسكناتي متهيألي إنها معايا وموجودة ع الكرسي وشايفة كل اللي بعمله! ممكن تكون روحها هي اللي موجودة! الله أعلم روحها فين دلوقت! هو بيقول لرسوله الكريم: {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً} الإسراء: 85

ـــــــــــــ

* وحشتيني ياوداد قربنا ٣ أسابيع علي غيابك مش عارف ازاى قدرت أعيش من غيرك الأيام دى كلها ربنا يصبرني علي فراقك ياشريكة الحياة ورفيقة العمر وقرة العين وتوأم الروح مرور الأيام يزيد الجرح عمقا أكتر وأكتر كل ماجي أنام ببص علي صورتك وأقولك تصبحي علي خير بحاول أتطهر من الذنوب علشان ألحقك في الجنة بس استحالة أكون معاكي في الفردوس الأعلي أنا آخرى الفردوس الأدني!

ــــــــــــ

* حالة الخبلان دى مش عارف تنتهي علي إيه؟! بعد نزول داليا وأسرتها بعد الفطار مددت علي الكنبة قدام التليفزيون وعيني راحت في النوم لما فتحت بصيت حواليا مالقتش حد قلت أمال فين داليا؟ تجولت بعيني مالقتش لها أثر قلت هي راحت فين؟ قعدت أفكر هي مشيت إمتي؟ مفكر هي حاجة واللي كانوا موجودين من شوية حاجة تانية قعدت أعصر في ذاكرتي لما تمشي حتروح فين؟ بدإت أتصور وجهها والوجه اللي كان عندى مع الجماعة ، بعدما تذكرت إن داليا هي نفسها اللي كانت عندى مع زوجها وبناتها!

ــــــــــــ

 *كل مانام ولو مجرد غفوة وأصحو أقوم أدور علي حد معايا ، بعدما استقر في عقلي الباطن إن ولاد ماكانتش قاعدة معايا ، فدلوقت بدور علي أى حد وأصدم لما أفيق وأدرك إني علي طول محدش معايا

ـــــــــــــ

* ا لأربع ٣ أبريل وبعد ماشربت كوبابة الشاى السادة بقطعتين كعك بالسمسم كنت قرفان من تحلية الشاى وناوى ماحطش عسل ع الشاى تاني لغاية ماترجع شهيتي لطبيعتها قعدت ع الكنبة في مواجهة الشاشة وفردت رجليا، عيني غفلت كالعادة ولما صحيت بصيت ع الفوتيه المجاور متصور وجود حد فإذا بي لا أجد أى أثر لوجود أشخاص بالشقة أو مجيئه أصلا! مش عارف 

* الأربع ٣ أبريل وبعد ماشربت كوبابة الشاى السادة بقطعتين كعك بالسمسم كنت قرفان من تحلية الشاى وناوى ماحطش عسل ع الشاى تاني لغاية ماترجع شهيتي لطبيعتها قعدت ع الكنبة في مواجهة الشاشة وفردت رجليا، عيني غفلت كالعادة ولما صحيت بصيت ع الفوتيه المجاور متصور وجود حد فإذا بي لا أجد أى أثر لوجود أشخاص بالشقة أو مجيئه أصلا! مش عارف الحالة دى حتستمر معايا لإمتي!

الحالة دى حتستمر معايا لإمتي!

* افتقدناكي ياوداد في هذه الأيام المفترجة ، كان زمانك قاعدة وسط العيال بتعملوا كعك العيد ، والغريّبة اللي بيحبها إسلام علي وجه الخصوص ، وكلنا وكل العيلة يعشقوا الكعك من صنع يديكي.. ربنا يرحمك ويحسن إليكي ويجعل مثواكي الجنة ، ويعوض صبرك خيرا علي الألم اللي تحملتيه علي مدى سنتين ، وعلي اللي حصل من الدجالين بتوع العناية ، اللي انتهكوا جسدك الطاهر وتعاملوا معاه بكل قسوة ، وبلا علم وبدون رحمة ، واحنا للأسف اللي أخطأنا في حقك لما سلمناكي لهم باليد وتركناهم يعيثون في أعضائك فسادا ، عن جهل وغباء فاضحين ، ولم يتركوكي إلا جثة هامدة ، وكان أبسط الإيمان يستوجب إبلاغ النيابة

ــــــ رسالة إلي أبنائي بخصوص عملية السطو علي محتويات أبو تلات ــــــ 

أبنائي الأعزاء..شكرا طبعا كلكم عارفين اللي حصل في أبو تلات ماعدا أنا آخر من يعلم وبالضبط ، زى ماخبيتم علي مدى ٣ شهور ، عليا وعلي المرحومة معرفتكم بإصابتها ( اللي طلعت خطأ لأول مرة في التاريخ وإن كانت النتيجة النهائية إنها توفيت برضه) جاى النهارده واحد يطمئنني علي أبو تلات بالكلام اللي قدامكم! بعد مضي نحو شهر ونصف علي الواقعة ولو أخبرني ساعتها ، أو هو تصرف هو بأىطريقة ، كنا دخلنا عبد الله السجن ، حتي ولو مافيش حاجة رجعت لأني أملك الدليل القاطع اللي مافيهوش ذرة من الشك إن عبدالله شخصيا هو الفاعل بالإضافة إلي دلائل أخرى منطقيةواستدلالية ومش زى ماتعتقدوا إن الحكومة مش حتعمل حاجة لأ.. فيه ضرورى حاجة حتتعمل ، بحيث إنه ع الأقل يخاف يكررها تاني في عملية أكبر ، مثل سرقة الرخام وسرقة الأبواب والشبابيك والمواسير...بحيث لا يتبقي ألا الحيطان وتاني يوم يجيب بلدوزر ويشيل المبني من جذوره ويعرض الأرض للبيع طالما عدينا اللي حصل ده ببساطة!

*  أنا كده - بخاطب اللي لسه عندهم شوية شفقة بالأب الطاعن في السن وضيع عمره في تربيتهم ، ومش مفكرين إن أمهم رحمها الله ربتهم بمفردها ، ومادام ماتت يبقي خلاص مالهومش علاقة بالبيت اللي اتربوا فيه والراجل اللي لسه عايش فيه ، حتي لو كان السفرجي مش الأب! بخاطبهم وأتساءل: ياترى أنا سأتحمل إيه واللا إيه؟! الكارثة الكبرى اللي قسمت وسطي بفقدان زوجتي وشريكة حياتي ورفيقة عمرى وأمي البديلة بعدوفاة أمي ، واللي كانت تطمئنني كلما أعربت لها عن تخوفي من ضياع أبوتلات لعدم اهتمام أحد من الأولاد بها ، فتقول: اطمن.. عيالك مش ممكن يسيبوها تضيع! وبتصور لو هي دلوقتي موجودة وسمعت الكلام ده ، يكون شعورها إيه! طبعا ماحدش مقدر الموقف اللي أنا فيه ، ولولا ستر ربنا ولسه مش عاوز يبهدلني ، كان جاتلي جلطة في القلب واللا المخ ، وأعقبها شلل رباعي ، وأنا أعرف ناس حصل لهم ذلك بسبب مثل هذا الموقف! والنخلة كمان بشرني بأنها سوست والسوس وصل لأعلي ، وإنه بمعاونة الرجل الشهم عبد الله كسروها وأزالوها! برده لو المرحومة سمعت الكلام ده عن النخلة اللي كانت بتستظل بظلها وهي قاعدة ع السطوح فسحتها الوحيدة ومتعتها الوحيدة ، ووجهها نحو الطريق الساحلي ، يكون شعورها إيه؟ وكل الأجهزة اللي اتسرقت وكانت جاية علشانها هي ، وياما استخدمتها ، ياترى الأخبار دى تريحها واللاتزعلهافي قبرها؟ بلاش أنا ، أنا خلاص استعوضت ربنا فيها وفي الإنسانة اللي كانت مونساني وأصبحت وحيدا أكلم نفسي بعد فقدانها والآن استعوض ربنا في حاجات تانية سوف تتوالي بعدها وعمومالا أملك إلا قبول اى حاجة يكون ربنا كاتبهالي والحمد لله علي كل حال