ـــــــــــــ
جهاز الغسيل الكلوى
* النهارده الأربعاء 20 فبراير: ربنا موجود
وفي يده يشفيها في لمح البصر لو عاوز
النهارده حطوها علي جهاز الغسيل الكلوى!
يعني متوصلة بجهازين كلاهما أخطر من التاني!
لقيت الدكتور اللي كان آخر واحد بعتوه ليقنعنا بضرورة وضعها علي جهاز التنفس الصناعي ويحذرنا لو ماسمعناش كلامه
قلت له المفروض زى ما دخلتوها ع الجهاز تطلعوها منه واللا العملية مش محسوبة؟
فكان رده المعتاد: قول يارب
بقالها أسبوعين ع الجهاز ولو جه التالت يبقي لازم يشيلوا خرطوم الهوا من بقها ويعملوا شق حنجرى يدخلوه منه
، وفي هذه الحالة يبقي ميئوس رسمي من شفاها، وماحدش هاين عليه يفصل عنها الأجهزة وقلبها لسه بينبض!
شوف المأساة اللي انكتب علينا نعيشها؟!
لكن مانقدرش نعترض علي حكمة ربنا!
معجزة إلهية
* بدأت أشعر بتأنيب الضميرنحوها
لأني وافقت علي طلب الطبيب اللي اسمه ماجد وجه علشان يتابعها بعد خروجها من العناية
لما قال لازم ترجع العناية ، بعدما انخفض ضغطها وفجأة ولأول مرة إلي ٥٠/٣٠ وكان بتاع الحقن قايس ضغطها من ساعة ولقاه ٨٠/٥٠
فأنا اترعبت وقلت لو استنينا علي استمرار الانخفاض بالشكل ده ، تبقي مشكلة كبيرة
ولو فكرنا شوية كانت المسألة محتاجة تاكل حاجة حادقة وعندها الجبنة القديمة اللي بتموت فيها ، ووقفنا الدوا اللي كاتبينه لها وهي خارجة من العناية علشان إدرار البول..
كانت المشكلة انتهت
ولكن للأسف تسرعنا وهاودنا الدكتور بتاعهم واللي بدأت أشك في إنه بياخد عمولة علي توريد كل مريض!
ومش معقول مجرد انخفاض في الضغط يوصلها للخضوع لمثل هذه الأجهزة ويصبح تخلصها منها معجزة إلهية!
ليست هناك تعليقات:
إرسال تعليق